सवैला नगरपालिकामा तीज विशेष कार्यक्रम सम्पन्न

जनकपुर डेस्क

प्रकाशित :  बुध, भदौ १९, २०८१ culture

Province2

जनकपुरधाम /भदौ १९ - एकिकृत अखिल नेपाल शिक्षक संगठन सवैला नगरपालिका नगर कमिटीको आयोजनामा तीज विशेष कार्यक्रम सम्पन्न भएको छ। कार्यक्रमको आयोजना सवैला नगरपालिका वडा नं. ८ स्थित श्री सरस्वती माध्यमिक विद्यालय ठिल्लाको समुन्द्री देवी स्मृति सभाहलमा गरिएको थियो।

कार्यक्रमको अध्यक्षता कविता साहले गर्नुभएको थियो। कार्यक्रममा विभिन्न विद्यालयका प्रधानाध्यापक र शिक्षकहरु अतिथिका रुपमा सहभागी भएका थिए। कार्यक्रममा सञ्चालनको जिम्मा निर्मला कापरले सम्हाल्नुभयो भने स्वागत भाषण रंजिता यादवले गर्नुभएको थियो।

कार्यक्रममा सहभागीहरुले तीज पर्वको सांस्कृतिक र धार्मिक महत्वका बारेमा चर्चा गरे। शिक्षिकाहरुको विशेष उपस्थितिमा तीज गीतमा नृत्य पनि प्रस्तुत गरिएको थियो। उपस्थित सबैले तीज पर्वको अवसरमा महिला सशक्तीकरणको महत्वबारे पनि चर्चा गरे।
कार्यक्रमले शिक्षकहरुको बीचमा आपसी सम्बन्ध मजबुत बनाउन सहयोग पुर्‍याउने विश्वास आयोजकले व्यक्त गरे। यस अवसरमा सहभागीहरुले तीजको परम्परागत संस्कृति जोगाइ राख्नुपर्नेमा पनि जोड दिएका थिए।

कार्यक्रममा सहभागिताका लागि नगरपालिकाभरका विद्यालयहरुका शिक्षिकाहरुको उल्लेखनीय सहभागिता देखिएको थियो। कार्यक्रममा उपस्थित सबैले आयोजकलाई सफल कार्यक्रमको लागि धन्यवाद व्यक्त गरेका थिए।

Tags :

फेसबुकबाट तपाईको प्रतिक्रिया