जितिया पर्व सत्य, निष्ठा तथा पवित्रताको पर्वको हो ः राज्यमन्त्री उषा यादव ।

जनकपुर डेस्क

प्रकाशित :  मंगल, असोज १२, २०७८ culture

Province2

सिटि टिभि महोत्तरि मिथिलाञ्चल क्षेत्रको कठोर ब्रतको रुपमा रहेको जितिया पर्वको उपलक्ष्यमा सामाजवादी महिला संघले सोमवार जलेश्वरमा जितिया शुभकामना आदान प्रदान कार्यक्रमको आयोजना गरिएको थियो ।

जसपा नेपालका अध्यक्ष उपेन्द्र यादबको प्रमुख आतिथ्यतामा कार्यक्रम सम्पन्न  भएको छ  ।सो कार्यक्रमको अध्यक्षता महोत्तरि जिल्लाका महिला अध्यक्ष गिता दास रहेको थियो भने  बिशिस्ट अतिथिमा प्रदेश २ का आर्थिक मामिला तथा योजना राज्यमन्त्री उषा यादव रहेको थियो ।  

सामाजवादी महिला संघद्वारा  आयोजित जितिया पर्वको शुभकामना आदान प्रदान कार्यक्रमलाई संम्वोधन गर्र्दा प्रदेश २ का आर्थिक मामिला तथा योजना राज्यमन्त्री उषा यादवले  जितिया पर्वको महत्व माथि प्रकाश पर्दै यो पर्व सत्य, निष्ठा तथा पवित्रताको पर्वको रुपमा रहेको बताए । खास गरेर निकै कठोर रुपमा गरिने यो ब्रत आफ्ना सन्तानको दीर्घायु, सुस्वास्थ्यको कामना सहित गर्ने चलन रहेको उहाले बताए । 

दुई दिनको कठोर ब्रत जितिया अन्तर्गत ब्रतिहरुले सोमवार नहाय खाय विधि गर्नेछन् । मङलवार विहान अबेर राति नै ओठगन अर्थात दही च्युरा खाएर ब्रतको शुभारम्भ गर्ने र दिनभरि र रातभरि तथा बुधवार दिउँसो तीन बजे तीर पर्वको समापन गर्ने कार्यक्रम रहेको छ ।यस पर्वमा अधिकांश महिलाहरुले जल पनि सेवना गर्ने गरेका छैनन् । सोमवार नहाय खायका दिन ब्रतिले कोदोको रोटी र माछा खानेछन् । कतिपयले शाकाहारी समेत खाने गरेका छन् । अरु ब्रतमा नहाय खायका दिन शुद्ध खाने कुरा खाएपनि यस पर्वमा महिलाहरुले कोदाको रोटी तथा माछा खाने गरेका छन् ।

Tags :

फेसबुकबाट तपाईको प्रतिक्रिया